Siguro naman ngayon ay medyo okay ka na
Pwede na ba ‘ko lumapit nang makausap ka na
Marami-rami tayong alaala na ibabalik na maayos na lahat ang
Pangit na nakaraan, masalimuot na araw sa ating naramdaman
Inaamin ko noon na ako ay nagkamali, pagkakataon ko na para itama ang mali
Ikaw naman kasi nung nakilala kita
Hindi mo mapakita sa ‘kin kung mahal ba talaga
Kahit hawakan ko ang ‘yong kamay lumalayo ka pa
Kahit yakapin kita parang diring-diri ka pa
Sino ba talaga ako sa buhay mo
Sabihin mo naman sa akin ang totoo
Kaya ko nagawa lahat ng kasalanan noon, dahil kulang na kulang ang pinakita mo
Aking pag-ibig sa ‘yo'y
Hindi basta mawawala hah…
Ang dati nang pangit na panahong nakaraan iiwanan
Sa ating muling tagpo
Hanggang ngayon
Ay hawak-hawak ko pa rin ang mga pangako na binitawan at sinabi mo sa akin
Kada araw na sasapit walang oras na lilipas na hindi ko dinasal at dinalangin
Kaya ngayon ika’y kamusta na
Gusto ko lang malaman mo ika’y mahalaga
Pa rin sa akin kahit na meron ka nang iba
Ay umaasa pa rin na merong pag-asa pa
Kung nakagawa man ng pagkakasala ay
Sana’y patawarin na’t limutin natin ang nakaraan
Hawakan mo aking kamay at muli na hagkan
Subalit pinagkait sa ‘tin ang pagkakataon
Na tayo ang magkatuluyan at magsama sa loob ng mahabang panahon
Aking pag-ibig sa ‘yo'y
Hindi basta mawawala hah…
Ang dati nang pangit na panahong nakaraan iiwanan
Sa ating muling tagpo
Ako’y maghihintay na lang
Sa ating muling pagtatagpo
Marahil ay pinilit na kalimutan ako
Dahil lang sa mga nakaraang pagtatampo
‘Di ko akalain na magkakaganito
Ang dating maayos na tayo
Kasi lagi na rin naman na tayo’y away-bati
Malimit na magtalo sinong tama o mali
Mga akala kong hindi mo na napapansin
At dedma lang ay ‘di rin maiwasang pag-awayan pang muli
Nating dalawa, sana’y pinag-usapan na lang
Para ‘di na lumala, at ‘di na umabot pa sa hiwalayan
‘Di sana magulo ang muli nating tagpo nang
Marinig mo naman na sa ‘yo ko lamang talaga
Sasabihin ang mga salitang ‘to
Kaya bago ka pa mag-isip ng mga bagong plano
Ang pangako’y sa ‘yo na ‘ko
Ikaw na lamang at ‘di na ‘yun magbabago
Aking pag-ibig sa ‘yo'y
Hindi basta mawawala hah…
Ang dati nang pangit na panahong nakaraan iiwanan
Sa ating muling tagpo
0 comments:
Post a Comment