Pagsilip ng araw sa bayan
Tanaw mula Katipunan
Sariwang hamog sa umaga
Sa hardin ng ating kamusmusan

Mga gurong nagmalasakit
Inihanda itong pusong pilit
Binuo ng dunong ang isip
Tila isang panaginip

Chorus 1:
Hirap at ligaya'y sagana
Sa ngiti at luha'y kasama
Mga kaibigan di lang sana
Noon lamang inaalala

Sa panliligaw at harana
Kwentuhan do’n sa pagoda
Sikretong bulong sa hagdanan
Naka ukit sa ‘ting alaala

Sa paglipas ng panahon
Mayro'n paring magkakasama
May ilang nangibang bayan
Kausap ang mga tala

Chorus 2:
Bigyang daan mga pag-asa
Nitong bayan na nagdurusa
Mayamang istorya't nakaraan
Matayog na skwela niyaring bayan

Bridge:
May ilang binawian ng buhay
Alaala'y kasamang husay
Sa gusaling saksi at nagbantay
Tumatak ang 'storyang makulay

(Repeat Chorus 1 & 2)

SKWELA NIYARING BAYAN (Noel Cabangon)
Lyrics: A.Romero (02/25/2011)
Music: P.Atienza (03/03/2017)

Arranged by: Jason Quitane
Mixed & Mastered by: Ferds Pua
Produced by Autumn Rain Records
Distributed under Believe Music on behalf of Universal Records