Official lyric video of "Kuwento Ng Pag-ibig " by Pusakalye.

Viva Records

Tangi kong dalangin
Sana'y hawiin ng hangin
At mabaling sa ‘kin
Ang iyong tingin
At nang ako ay mapansin

Bulaklak kong marikit
Ang puso kong nalulumbay
Sa 'yo'y naakit mo't
Napagtantong sa 'yo'y
Natutong humiling

Na sana’y hahayaan mong
Isilong ka sa 'king pagmamahal
At kahit umulan
Kailanman ay
Hindi ka iiwanan

Iingatan ko
Ang puso mong ‘di mo pinagkait
At araw-araw kang mamahalin

Bulaklak kong marikit
Ang tamang panahon sa ’tin
Ay dumating na
At pipitasin kita
Nang buong lambing

Tulad mo’y hiyas nag-iisa
Walang katulad ang ganda
Pangako ko sa ’yong
Hinding-hindi kita ‘pagpapalit

Sa kahit na anong yamang
Ihahambing sa 'ki'y ikaw pa rin
At kahit na unos mang darating
Ako’y mananatili

Iingatan ko
Ang puso mong ‘di mo pinagkait
At araw-araw kang mamahalin

Bulaklak kong marikit
Ang kuwento ng pag-ibig ko sa ’yo’y
Inukit sa isang tula
At nilapatan ko ng himig

Lagi kong pakikinggan
At itatago sa sulok ng aking puso
Hanggang sa dumating sa atin
Ang hatinggabi ng ating buhay

Official lyric video of "Kuwento Ng Pag-ibig " by Pusakalye.

Viva Records