Hindi ko alam, kung paano babalikan
Ang mga araw na tila ala-ala na lang
Bawat gabi, iisa lang ang naiisip
Kung lahat ng ito ay isang panaginip
[Chorus]
Ulitin natin, mga sandaling kay tamis
Babalikan mga nakaraan, na sadyang 'di malimutan
[Verse 2]
Kahit anong gawin, ay di na maibalik
Ang mga panahong punong-puno ng pananabik
Sadya nga ba, na ikaw ay masaya
Habang ako ay umaasa na maibabalik pa
[Chorus]
Ulitin natin, mga sandaling kay tamis
Babalikan mga nakaraan, na sadyang 'di malimutan
[Spoken Word]
Isang hakbang papasulong/
Ganyan ako katapang 'nung sinabi ko sayo na mahal kita nang pabulong/
Kahit na/ ang balik mo'y wala man lang salita at itong/
Puso ko/
na naghihintay ng sagot na manggagaling sa bibigkasin ng mga labi mo/
Ay wala pa ring kasiguraduhan na ako ay iibigin mo/
Hanggang sa/ nagkaroon ako ng nag-iisa at mumunting pag-asa/
Na makamit ang matamis mong oo at agad na umasa/
Na ang pag-ibig natin ay magtatagal hanggang sa/
Nanghingi ka na lang ng panahon para makapag-isip ng kung ano bang meron sa ating dalawa/
Na hanggang ngayon hindi parin malinaw
Madilim parin ang sikat ng araw
Na bumabalot sa mundo ko na pangalan mo ang isinisigaw.
Mahal na mahal kita
At sana marinig mo itong sinulat kong tula
[Outro]
Hanggang kailan, dapat na magtiis
Kung ngayon pa lang ay 'di na napapansin
Tama nga ba, na ako ay maghintay
Na muling makasama ang tunay na ikaw
0 comments:
Post a Comment