Amoy sa pagtuntong ang insenso
Aroma ng sunog na imperyo
Tanggap kong malugod ang talang kaloob
Ambag ni Galileong samin lang nakaluhod
(Kaya)

Gusto kong mangibabaw sa ilalim
Kasama ang mga gintong legal kung minahin
Malabo na mabulag ako sa kikitain
Mas malawak ang imperyo pagsakop ang adhikain

Sana lang sana lang
Matyaga tong magsiga sa maski san
Paningasin
Sa maghapong nagsipag ay nasitang masigasig
Kasama ang kasikatang tatama rin sa nakararami

Inaliw ka ng kaliwa't kanang
Mga balitaktakang maalinsangan
Nakaligtaang nakaimbak ang
Mga limbag na mas nakakabigla
Pag ako napiling pantasa ng pantas sa mga pusong kinalawang
Magpabaga paggutom, kumbaga matutong kumagat na buo' nilalapa

Ughhh eto ang aking imperyo na terno ang mga disenyo
Sa bara kong Realidad na di rin iba sa mga kinikwento
Mag-inumaga sa paggapas ng aking sakahan
Sa bigas ko nakipagasaran yung palay di kayang makipag-alsahan

Kung banig lamang ang hinahabi ay tsak na hihiga ka saming bawat detalye
Kasamang nironda mula teritoryo paggagala na sakin di pabor
Kaya ibigay na kay Nero ang baso ito'y huling ikot ng Emperador (Sa...)

Nagtakda ng bagong haring dagdag pa sa karwahe
Ang tanda ng pagtumba ehh pagsamba at paglupagi
Basta sana batas na sa huli rin mamutawi
Paksang mata sa mata hanggang mapuwing si Hammurabi (ba't?)

Gusto kong mangibabaw sa ilalim
Kasama ang mga gintong legal kung minahin
Malabo na mabulag ako sa kikitain
Mas malawak ang imperyo pagsakop ang adhikain

Sana lang sana lang
Matyaga tong magsiga sa maski san
Paningasin
Sa maghapong nagsipag ay nasitang masigasig
Kasama ang kasikatang tatama rin sa nakararami

Dito samin, respeto mahirap kuhain
Ang mga buto kaylangan unatin
Quota muna bago kumaen
Partida walang tisa parang tira sa bilyaran mababa ang kita
Pinala ang mina hanggang sa makamit ay mala yamashita

Kumalat ang balita naku po
Sa mga lalawigan at pulo
May bagong hari na nakaupo
Nilagyan ng gasolina yung sulo
Sabay ubo salain para di magkagulo
Pwede makalusot dun sa kampo ko
Pero kapag bulok mag magno po

Bakit pako mananakop kusa nila akong tatanggapin
Pano moko matatalo ang gusto iangat ka rin
Huwag na huwag kang tatamarin tulad ng iba ikaw ay tatama rin
Sa gitna pag hinasa ang patalim araw araw na parang walang pake

Lumayo sa pangkariwan kinilala kung saan sinilang
Ako ay putik na nakatanim sa aking lupang hinirang
Mag iiwan ng mga barang mananatili sa isipan
Walang malaking ari arian pero meron panahong pinagharian

Gusto kong mangibabaw sa ilalim
Kasama ang mga gintong legal kung minahin
Malabo na mabulag ako sa kikitain
Mas malawak ang imperyo pagsakop ang adhikain

Sana lang sana lang
Matyaga tong magsiga sa maski san
Paningasin
Sa maghapong nagsipag ay nasitang masigasig
Kasama ang kasikatang tatama rin sa nakararami

Ito ang aming imperyo
Ito ang aming imperyo
Ito ang aming imperyo
Ito ang aming imperyo

May bahid ng galit na pangmalawakan
At hari sa hari ang nagbabanggaan

Sa kalye nanggaling naapak-apakan
Masakit man laging mas nakakagana

Wag mapariwara marami rami ka mang ari arian na naisanla
Mangyaring gampanin na maibahagi ang yaman na satin at maipamana
Sa aming lakarin may naitala na't
Sakaling harangin ay balewala lang
Basta iba ka sa karamihan
Maligaw man sa Safari may pangil aba!

Parang mga animal na walang tanikala
May sanib sa lapis na aming dala
Isang maling galaw mo lang basa sa aking mata
Hindi mo dama na minamate ka na
Tangina ka kahit saan maikasa laging handa
Baguhan man o yung mga kilala
Pwede kang gulatin sa imperyo namin lahat bihasa

Written & Performed by: NERO & APEKZ
Produced by: Mat Olavides
Mix and Mastered by: Mat Olavides
Lyrics by: Neil Carlo Nera & Mark Anthony Cadiente
Video Edited By: Mark Jinno
Published by: FlipMusic Productions, Inc.

Intro:
Para to sa salinlahi na nagkakaubusan
Kaninong braso ang kelangan para lang mabunuan

Anong sumusunod sa kalawakan? marahil... baka yun ang "kawalan"
Kayong tumutugong pasalamatan, sa dami ng mayrong karapatan
Gayon kung totoong matatawaran, palagiang tanong "kabayaran"
Baka lang nataong bumubulong na malasaha'y tinapay na may tinatagong palaman (Malamang...)

Verse 1:
Umupo ka ng diretso saking kwento makinig
Ang pagmamahal nya eto, nirereto ang kilig
Sa dami ng panulak ng bolero ay lingid
Mabulunan sa imbentong puto seco sa bibig

Dadanak ang luhang "kailangan ng pondo"
Handa ba kayo magambag at abono?
Pagkakatakutan hangganan na to ay
Hadlang yan sa utak na dapat ay todo

Habang gumaganda ang buhay umaasa ka na tunay ang lahat ng retokado
Sa pamagat ng langit ay wala nang titulado
Kung naniniwala lamang para makasigurado

Doo'y kautusan na likas ang pagkatuso
Buong katuruang taliwas sa pagkatuto
Lopon at koponan ng mga templong nagkakurso
Nauto nang magustuhan ang disenyong nauuso

Refrain 1:
Nakakapanduga kapag nakakapanghula
Birong nakatanim mula sakanilang nakakatawang lupa
Kasama magpakabaluga yung mga nagbabalat na tupa
Kalamidad ay nasa kabataan kaya nga ang tawag nila ay sakuna-kuna

Hook:
Kabilaan sa may kaliwa at kanan
Nasa itaas at nasa (nasa) ibaba ng
Langit may impyerno may demonyo may anghel
At tayo ay nasa gitna ng nakatutok na baril

Saming pastulan (braaa!) wag kalimutang (yaya!) utang ito at upang iyo na mapagipunan (ya ya!)
Saming pastulan (braaa!) pahintulutan (yaya!) ang pagkalito kung babalik o kusang tatalikuran

Instrumentals:
Sapagkat napakarami ng
(Rami ng) mapagsamantala at mapanlinlang
Ang ilan sa kaaningan at kapraningan
Nahibang sa kabaliwan handang malibang
Malian tama palitan at ang kanilang
Dahilan ay kasabihang nakagawian

Verse 2:
Gamit nalalaman na pamahiin na alam at
Makikita sa aklat kaibigan na tapat
Kanyang pakilala bagamat hindi paba sapat
Ang akala't hinala para pag isipan ang lahat

Masama at bawal ang bagay na napakasarap
Sa bawat kagat ay damang dama sa may balat
Wala pang ganap , sapagkat lahat nagpapanggap
Nangahas sa panlabas sawang sawa na magbalat

Malabo malilinawan patago ay lilitaw
Mata sa mata hanggang ako ay maging ikaw
Madala sa pananaw ay kusa ka na bibitaw
Pagkat walang mawawala , mas lalo lang maliligaw

Ang mga to sa anak at apo na
Ang namana lamang ay dala-dala na trauma
Pasa-pasa mga haka-haka at teorya
Mga kataka-taka mga gawa gawa na storya

Refrain 2:
Ang mga narinig sa may sabi sabi ay sadya para magdalawa utak ng mga tao
At para makinig pa sa kabi-kabila nang naglalabanang mga luma at tsaka bago
Kaya sa paniniwala na iba iba ay nagaaway lamang ang bukas tsaka sarado
Pagkat wala ring tiwala sa isat isa , kaya nagaalalay sa bulag ay mga aso

Hook:
Kabilaan sa may kaliwa at kanan
Nasa itaas at nasa (nasa) ibaba ng
Langit may impyerno may demonyo may anghel
At tayo ay nasa gitna ng nakatutok na baril

Saming pastulan (braaa!) wag kalimutang (yaya!) utang ito at upang iyo na mapagipunan (ya ya!)
Saming pastulan (braaa!) pahintulutan (yaya!) ang pagkalito kung babalik o kusang tatalikuran

Post Chorus:
Bawat bala ay patungo sa
Mga bata na matandang nakakulong pa
Kawalan na pakawala san na pupunta
Nawala mga nawala san napupunta


Verse 3:
Syang katanungan ay syang kasagutan
Para pagbuksan ang nasaraduhan
Hanggang sa kung saan kahahantungan
Hangganang nagmula dyan ang katapusan

Mala lagusan daang papasukan
Lahat ay bulgar walang tataguan
Ang sangkatauhan at sangkahayupan
At yang mga tupa na nasa pastulan

Kristo, Allah, Vishnu, Brahma
Anito, Baal, andito pa nga ba?
Tingin mo Gaara sa pintong gawa sa
Gitnong payapa'y ehipto Sahara?

At sino ka ba sa pagpapakatao
Paghinulma ka ng mga nagawa mo
Nasa nitso lang ang ikatutuwa ng tao
Pagkat nobyong kasiyahan ay katotohanang balo

Performed by: NERO & LANZETA
Produced by: BoJam
Mix and Mastered by: Mat Olavides
Lyrics by: Neil Carlo Nera & Lanz Jasper Picache
Video Edited By: Cyril PH
Song Art by: Neil Pontejos
Published by: FlipMusic Productions, Inc.

"Guwantes" is the follow-up single of upcoming rap artist Nero. This politically charged hiphop track is a collaboration between Nero and Flipmusic producer Rap Sanchez.

Written by Neil Carlo Nera
Produced by Rap Sanchez
Brandon Cueto was hired for his visual design expertise.