Batang binangonan Rizal
Taga sulat ng tula kahit
medyo matagal
Hirap tyaga dugo pawis na may kasamang dasal
Tandang tanda parin ang amoy ng tubig sa kanal
Bakit kailangang pakinggan
Ang mga hirit ng inggit
Di mo naman katuwang sa mabibigat
Habang lumalakad sa mataas na bangin
Hindi ka umiiling
kahit matamaan ng kidlat
Sigaw ka ng sigaw pero walang nakikinig walang bumibilib
Hanggang sa tuluyan kang mamalat
Makamit mo lamang ang mga minimithi mong pangarap hindi bale nang mamatay ka nang dilat
Nakakapuwing ang lupa pag tumama sa mata
Mahirap mag salita pag nilamon ka ng kaba
Pang hinaan man ng loob huwag kang mag pahalata
Kung hindi mo man maaninag puwede kang mangapa
Maputikan man ang iyong mga palad o paa
Sarili mo lamang ang syang kalaban mo di iba
Habulin mo nang habulin kung sino ka sa pangarap iyong mahahanap kapag nasa malayo ka na
Tanawin mo ang mga dinaanan mo dati
Kalimutan ang mga masasama na sinabi
Iwasang maka sagi ng paa kung maaari
Kahit na kung minsan ay medyo nakakalalaki
Ayos lang
Basta relax ka lang
Huwag kang hibang
Huwag padamihin ang ilang
Nang iilang
Ikaw lang ang nag iisang
May alam
Kung anong mapupuntahan
Nang yong ginagawa
Meron ka ba dyang mapapala
Kahit sabihin pa ng iba na yan ay gawa gawa
Hindi naman imbitado
Kinakapalan ang mukha
Kinakausap ang sarili
Medyo maluha luha
Punasan asan na ang pag asa
Sa musika parang nawalan ka ng
Panglasa
Walang mainit na tubig madami ang tasa
Sa panahon ngayon di madali ang umasa
Bobolahin ka ng mga kumpanya
Pero ang mahalaga lamang ay ang kanya
Babalutan ng mga salitang kay ganda
Bago pa mahulugan ang iyong alkansya
Madaming nag sasabi sayo na
Umalis ka nalang
Ginagalingan mo palagi pero panis ka naman
Natuyo nang mga labi na hindi madampian ng mamantika na ulam sa aming hapag kainan
Piliin lagi ang tama tapos iwasan yung isa
Yan ang awitin ng buhay di mahirap makabisa
Huminahon ka lamang at huwag kang mag pa balisa
Madaling matatapos kung maayos ang umpisa.
0 comments:
Post a Comment