Gidesinyo daan sa kwartahan ang systemang atoang naandan
Sila’y kausab’s kasaysayan, gasuwat sa bakak nga imong gtun-an
Labaw sila sa bala-od, legal ra para nila ang mangulipon
Kwarta maoy bag-ong relihiyon, tawo ra say gahimo sa katalagman
Diskompyado ko sa gobyerno, tala ra ang motuo nila
Ilad imong nahibaw-an, peki sama sa politika og demokrasya
Wa nimo damha mapalit ra nila, bisag unsang nasura
Silay gabuot sa presyo sa merkado, mo-ubos man na o mosaka
Mga monopolista nga gamanipola’s pila ka siglo na nga gubat og gubot
Silay mangilog og kusog, tanan lider sa liog kay na’y higot
Manika sa sila sa banko og negosyante nga hakog
Maihap ra ang gamata diri’s katilingban nga hinanok gahagok
Di makuyawan nga nay matamakan o maligsan padong’s sa kinatas-an
Imbes sila mo’y motabang, sila mo’y moduot padong sa kawad-an
Unsa-on man na nimong butang og naa na kas imong lungon igsuon
Bukha ang imong himungaya, ilhang ilusyon sa karon nga dimensyon
Chorus:
Ang Kalibutan mituyok pinaagi sa papel
Naulipon ta ni-ini pero ngano kaha
Mao na ni karon ang naghari sa ato-ang kalibutan
Kita’y naghimo apan kita mao’y giduwaan
(Repeat)
2nd verse: RKteQ
Mao ni' y ugat sa tanang kadautan
Kay tungod ini mura ka' g mayawaan
Para' s uban mao ni' y gahom, di nalang ta magdahom
Og kung kinsa to’ y abunda ni-ini maoy gamhanan
Tuod kinahanglan ni nimo aron mabuhi ka
Apan mao ni rason nganong nadaot ka
Mura ka' g masudla' g panuway
Manglimbong, mangawat, manulis og dayon mopatay
Mao ni nagkontrolar karon sa atong kalibutan
Sakit man palandungon apan mao nay kamatuoran
Halos kitang tanan kay naulipon sa kwarta
Satong kasing-kasing patay na ang gugma
Ang imong baruganan aduna nay kantidad
Nabayran nag apil astang imong moralidad
Daghan na’ ng nibali sa ilahang mga pagtuo
Kay ang kwarta kay gihimo na nilang gino-o
Chorus:
Ang Kalibutan mituyok pinaagi sa papel
Naulipon ta ni-ini pero ngano kaha
Mao na ni karon ang naghari sa ato-ang kalibutan
Kita’y naghimo apan kita mao’y giduwaan
(Repeat)
3rd verse: Fangs
Papel mao nay tumong ani nga kanta
Parte na pud na sa mga manuwatay’ g kanta
Usa na sa rason nga maabot ta bisag asa
Mao sa’ y gamiton kung maglukot ta og ganja
Taga-i’g importansya, ayaw intawn pasagdi
Kung wa kay papel pwede kang pagawson sa klase
Nya kinsa man ang luoy kinsay way nakat-unan
Di ka kapasar kung way papel nga basihan
Isud sa alimpatakan, nausab na ang panahon
Kung mangawas ang papel naay tawo nga makahon
Kadaghanan nanarbaho sa papel nga ga-urong
Ang uban may natarong ang uban sad minarunong
Buhaton ang tanan, tuwad takilid pina higda
Para sa papel ang lawas nila ibaligya
Timbangan lang usa kinsa ang bagay nga dapigan
Papel ba o papel nimo ang angay nga ampingan
Chorus:
Ang Kalibutan mituyok pinaagi sa papel
Naulipon ta ni-ini pero ngano kaha
Mao na ni karon ang naghari sa ato-ang kalibutan
Kita’y naghimo apan kita mao’y giduwaan
(Repeat)
0 comments:
Post a Comment